How to use photoshop any version simple and practically.

Aj main dikhaunga ki kaise kisi ke chehre par apna face lagate hain or kisi ko pata bhi nahi chalega ki editing hai. Sabse pahle main same pose ki 2 photos lunga taaki main 1 chehre ko dusre per aasaani se laga saku.

Ab main dono photos ko photoshop per open karunga.

Ab jis photo ka chehra hame chahiye usko maximized karke uska chehra select karna hoga select karne ke liye hum (poloygonal Lasso Tools) select karenge aise to kaafi sare tools hai selection karne ke liye per ye sab se easy hai.

Selection karne ke liye hume photo ko zoom kar leni chahiye kyunki agar zoom karke hum selection karenge to saaf suthra selection hoga. Photo ko zoom karne ke liye hum keyboard se ctrl++ or ctrl+- dabakar bhi bada chhota kar sakte hain.

Photo badi ho jaane ke baat hum usko select karna start karenge jab photo badi hone ke baad screen par puri nahi dikhegi jitni dikh rahi ho use select karne ke baad hum  spacebar (spacebar+mouse drag) button dabayenge fir mouse se hum picture ko drag karke upar neeche kar sakte hain or fir selection pura karne ke liye selection start point ko selection end point per mila denge to hamri selection complete ho jayegi. Selection karte time hame selection ek bar me puri karni hai or agar selection karte time humse galat click ho jaati hai to hum backspace ka button dabayenge back karne ke liye or baaqi kuchh bhi back karna ho to ctrl+z se hoga chahe wo complete selection ho ya kuchh bhi. Or baaqi option edit menu bar me hai.

Picture select karne ke baad hum move tool select karke apne selection ko dusri pic per le jayenge or le jane ke liye hume ye dono option select karne honge tabhi hum apne selection ko move kar sakte hain.

Move karne ke liye hume apne selection ko drag karke dusri photo per le jaana hoga or dusri picture per rakhna hoga uske baad photo aisi dikhegi.

Fir hum ab dusri wali photo ko maximized karke large karenge fir apne selection ko move tool select karke dusri photo ke chehre ke upar rakh kar uske hisaab se adjust karenge chhoti badi karenge ya tedhi medhi karenge uske baad hame keyboard se (Enter dabyenge apply karne ke liye ya to kisi bhi tool ko select karenge to apply ka option aayega to apply karna hoga taaki sahi se set ho jaye. Fir hum keyboard se 1,2,3,4,5,6,7,8,9,0 button dabayenge to wo layer transparent hone lagega 1 numberse 0% or 2 number se 10% or is tarha se transparency badhti jayegi or fir 0 number per 100% transparent ho jayega or hum is tarha se dono layer background or layer 1 ko sath me dekh sakenge or sab setting ho jaye to hum transparency 100% khatam kar denge taaki sirf ek photo hi dikhe. Uske bad hame apne layer 1 me jo unused part lage use hum ya to polygonal lasso tool se select karke ctrl+x daba kar remove kar dein ya to hum use eraser tool se dheere dheere remove kar sakte hain wo apke upar hai apko kya behtar lage.

Jab photo ko hum ek dusre per set kar lete hain to hum eek kaam karna hota hai color matching kyunki ye sabse zaruri hai kyunki kabhi bhi 2 imgages ka colour same nahi hota hai aisi surat me hum 2 kaam karte hain ya to pahle wali photo ko move tool se right click karke select karke uska color match karte hain dusri wali se ya to background ya or koi layer ko select karke color match karte hain pahli wali se, kabhi kabhi 2 photos jo hamare pass hoti hai usme 1 photo ki quality achchhi hoti hai or dusri ki quality low hoti hai aise me hum pahli photo ko jahan tak ho sakta hai achchi karte hain taaki dusr wali ki tarha lag sake or fir dusri wali photo ko kuchh kharab karte hain taaki quality dusri wali se match ho sake taaki pata na chale ki editing hui hai or dono photo same hokar ek hi lage.

Color ko match karne ke liye hume layer ko select karna hoga or fir hame menu bar me image option per click karna hoga fir adjustment option per jaana hoga wahan per hame bahot se option milenge color match karne ke light ko kam zyadah karne ke brightness/contras ko kam zyadah karne ke wagairah wagairah fir isme se hume jo zarurat ho uske hisaab se hum apna setting karenge.

Ye hai color matching karne se pahle ki pic

Or ye hai color matching karne ki baad ki pic

Ab jab hamari puri photo ban gayi hai to hame ab ise save karna hai save karne ke liye 2 option hote hain save or save as.. save  per first time hum save karein ya save as.. option save as.. ka hi khulta hai tab hum ctrl+s or file menu me save ka option dono use karte hain jab hum save karne ke liye click karte hain to ek dialog box open hota hai jahan per hame batata hai ki ap is file ko kis name se save karna chahte hain or kis format me save karna chahte hain to hame wahan per file me jobhi name dena ho wo or format me jpg select kar ke save karna hota hai. Save hone ke baad agar hum chahein to use fir se save as karke usko psd me bhi save kar ke rakh sakte hain taaki aage future me hum isme kuchh update editing karke fir se new file jpg me save kar sakein is tarha ap dono file bhi save kar sakte hain.

Jab hum photo ko jpg format me save kar lete hain to agar hame lagta hai ki isme kuchh kami hai to hum us jpg file ko photoshop per open karke usme kuchh changes light, brightness, contrass color wagairah change kar sakte hain per ab jobhi hum command denge wo puri pic per chalega kyunki ab photo ka format jpg hai or jpg me koi layer nahi hota hai.

Jab bhi hum is type ka kaam karte hain to kuchh kamiyan rah jaati hain kahin ki cheezein kahin add karni hoti hai taaki safai ho sake or pata na chale to iske liye ek option use kiya jata hai wo jpg me use karne ke liye zyadah achchha hota hai kyunki isme layer nahi hoti or hum aasaani se is option ko use kar lete hain is tool ka name hai (Clone Stamp Tool)

is tool se hame photo editing me kaafi madad milti hai ye tool ek stamp pad ki tarha kaam karta hai is tool se hum ek jageh ki chhez ko copy karke dusri jageh per paste karte hain or ye bahot easy hai isko select karne ke baad hum iske circle ko chhota bada kar sakte hain apni zarurat ke hisaab se jitna selection hame chahiye uske liye hum us jageh per cursor le jaakar Alt dabakar ek click karte hain (Alt+Click) to wo jageh copy ho jaati hai fir hum jab dusri jageh usko paste karna hota hai to bas simple click karte jaate hain or wo paste hoti jaati hai or hame sharpness kitni chahiye hum use percent ke hisaab se kam zyadah bhi kar sakte hain. Is tarha jitni bhi baar ham eek jagah jaise background , face color, cloth color & design ko ek se dusri jagah le jaana hoga hum use jageh per cursor le jaa kar Alt dabakar click karenge or dusri jagah cursor le jaakar simple sirf click karenge wo jagah stamp ki tarha wahan per print ho jayegi.

Or fir ap kaam pura hone per use direct ctrl+s dabakar save kar sakte hain.

AGAR APKO KOI PARESHANI LAGE TO AP YAHAN PAR APNE COMMENT KARIEN APKO FREE ME SAARI JAANKARI DI JAYEGI...........